أمم الأغلبية المتابعين للمدونة لاحظوا قلة طرحي للمواضيع من فترة مو قصيرة، وبرضوا تأخري بالرد على الإيميلات.
تشرفت بمقابلة أحد الشباب المتابعين للمدونة، الأخ وليد القويفلي البارحة في جمعة رياض قييكس، وقالي إني مقل بتدوينات، مو مثل قبل!.
هو صادق، أتذكر بأحد التدوينات إني قلت: “راح أكتب تدوينة إلى تدوينتين أسبوعياً”، والحين صار يالله تدوينة واحدة شهرياً!.
أعرف إني مقل بالتدوين، ومضايقني هالشيء، لكن مو تقصير مني وعدم اهتمام، لكن تغيرت علي أشياء بالشهور الماضية، وتلخبط جدولي الخاص بعد الدوام، وبالتأكيد لما يتلخبط جدولك نظام حياتك ينقلب فوق تحت.
فيه أشياء وتغييرات كبيرة مخطط أسويها بالمدونة، أخليها تفاعلية أكثر، وأعدل بعض الأخطاء اللي موجودة حالياً، وبعض الصفحات وغيرهم، لكن:(!
أبحاول إني أنظم وقت التدوين والردود على الإيميلات، ما زال عندي الكثير، وأتمنى يشوف النور.
السلام عليكم …
ان شاء الله نشوف كل جديد…
و حنا في انتظارك …
و مشكور على ما قدمت و على اللي بتقدمه …
یعنی برکہ ما أرسلت أی ای میل.. ھھھھ
موقعك مصدر الهام و احد اهم المراجع العربية لعشاق فيدورا
و انا واحد منهم ..
صحيح قد تجد عدم التفاعل في الردود و المشاركه لكن صدقني لديك عدد زوار ممتاز جداً لهالمدونه .. خاصتاً انك نجحت في ان تجعلها متخصصه في اللينكس و توزيعه فيدورا
اخوي جريس .. اتمني الاستمرار لانك مدرسه الفيدوريين
اخوك .. محمد
@أبعاد الحياة ,
جزاك الله خير أختي جياة على تشجيعك الدائم.
@a|Maestro ,
يعطيك العافية على كلامك يالمايسترو، أعطاني دفعة معنوية :-D.
أمم والجد انا مو حريص مره على التفاعل والردود، مع إنها مهمة بالتأكد، لكن هدفي إني أنشر اللي عندي ويستفيدون الناس، حتى لو ماكان فيه تفاعل. مع إن القراء زي ما وضحت والإيميلات اللي توصلني تثبت حجم التفاعل.
الله يعافيك مره ثانية على كلامك، وإن شاء الله أبكون عند حسن ظنكم.
شد حيلك ، صحيح إن احياناً تصادفنا أوقات وظروف تقلب نظامنا فوق تحت لكن شوية إرادة وعزم وتضبط وأنت قدها إن شاء الله ، ننتظر تدوينات أكثر بإذن الله … :)