قامت الأخت كمبيوترية مشكورة بدعمها للمدونة بوضع هالبنر

بالصفحة الرئيسية لموقعها

http://www.computeryah.com

شكراً على دعمك ونشرك للينكس والمصادر المفتوحة أختي ..

أتمنى لك التوفيق ، جزاك الله خير ..

أضفت صحفة جديدة بالهيدر أو برأس الموقع بعنوان ماهو لينكس ، أخيراً الله مير يسلمني كتبتها ..

الأسلوب مره مبسط ومافيه أي شيء تقني ، خلونا ننشر لينكس للجميع بأسلوب سهل وينفهم

إذا كان فيه نقاش أو نقاط أحد وده يطرحها ، يتفضل يطرحها هنا ..

هالموضوع مخصص للأشخاص اللي يبغون يصيرون محترفين لينكس ، هي نصائح وتجارب شخصية عشتها ومرت علي وودي غيري يستفيد منها ..

الأشخاص اللي يستخدمون لينكس فقط لمجرد الإستخدام ، يعني ما يبغون يصيرون محترفين وخبراء فيه ، يقدرون يتروكون هالصفحة ، لأنو ما ودي إنهم يقرأون مصطلحات غريبة ويعتقدون إنو لينكس صعب ومعقد ..

مسائكم نور ،،

على طاري نور ، شباب تكفون دبرو لي حل ، كل ما فتحت التلفزيون لقيت هالمهايطي مهند وجيري قصدي نور ، كرهت شيء إسمه تلفزيون ياعالم ..

مالكم بالطويلة ، حدثت صفحة معلوماتي ، فرغت محتويات السيرة الذاتية جواها ، وحذفت السيرة الذاتية ..

رمضان كريم للجميع ، الله يجعلنا من صوامه وقوامه ..

الله الله شباب بالعبادة ، ترانا لاحقين على الربادة والتسدح

يعني باللغة العربية

كلكم لازم تصيرون

Root

وتخلون أبليس

Limited User

عشان ما يتحكم فينا

وأي شيء نص كم في بالك ، لاهنت على طوول وده لـ

/dev/null

خبر قريته وحبيت أشارككم فيه ، قريت إنو مبرمج لينكس القييك لينوس ترافولدز يستخدم توزيعة لينكس فيدورا في في أغلب كمبيوتراته اللي عنده ..

هذا الرابط حق الخبر :

Linus Torvalds on Linux Distributions

أممم صح إنو شيء حلو وهذي دفعة قوية لتوزيعتي لينكس فيدورا ، لكن ما تهم أي مستخدم ، المستخدم الزم ما عليه إنو يستخدم توزيعة ونسخة لينكس اللي يرتاح لها ويستمتع فيها

مساء النور ،،

عارف إني ساحب على المدونة ، لكن والله يالشغل كثير ومايخلص ، نطلع من أباتشي نطيح بأكزيم ، نطلع من أكزيم نطيح ب mrtg  أطلع ، وهذا دواليك ..

الوكاد ، انا الحين متكي في مكتبي ولي يومين جايه في بالي أكتب لي شيء بسيط وكذا سريع سريع عن مدير تحميل  الملفات في لينكس ، البرنامج الخطير wget .

ما أعرف إذا أحد لاحظ أو لا ، المدونة اليوم توقفت لبعض الصيانة ، والتوقف كان لمدة ٢٠ إلى نصف ساعة ، لكن الحمدلله كل شيء رجع تمام .

صباحكم ورد ،،

فكرة جأت في بالي ، الحين لما تطرح موضوع يبي لك تفكير بالمادة وكيفية الطرح ، وتأخذ وقت جهد

جاء فبالي أحط أشياء خفيفة ونصائح سريعة عن لينكس بين الشروحات تحت إسم ” خفايف لينكس “

في لينكس ، أعطاك خويك سي دي وقالك أمرك العصر أباخذه منك ، وودك تنسخ هالسي دي إلى ملف من نوع ISO ، وش تسوي ؟

مستخدمي ويندوز المساكين ، يلزمهم برامج وقلة حياء خخخخ ،

في لينكس ، بنستخدم التيرمينال وبنستخدم برنامج dd