في الشبكات وبالذات في تخصص إدارة السيرفرات، المحفاظة على إتصال السيرفر من الإنقطاع هذي شيء أساسي ومهم قبل أي حاجة، لأن لو إنقطع الإتصال بالسيرفر وخلاص صرت ما تقدر تتصل فيه، أيش الفائدة من السيرفر؟!
بشكل أبسط، نفترض إني صاحب بنك، وفي بنكي انا مقدم خدماتي عن طريق الإنترنت ﻷجل أسهل على العملاء إنهم يخلصون معاملاتهم البنكية من تحويل وإدراة أرصدة بدون حضورهم شخصياً للبنك.
طبعاً عشان أقدم خدماتي عن طريق الإنترنت، لازم يكون عندي سيرفر مستضيف موقعي، وموقعي فيه كل هالتعاملات البنكية اللي يحتاجها العميل. طيب إذا هالسيرفر فقد الإتصال بالإنترنت، أيش الفائدة منه؟
العملاء الخاصين ببنكي ما راح يدخلون الموقع، وهالشيء راح ينعكس على سمعتي، إن بنك جريس سيء في خدماته الإنترنتية، وكل شوي متعطل موقعهم. بكذا خسرت شريحة كبيرة من عملائي المهتمين بالتعامل عن طريق الويب للتعاملات البنكية.
