أحتاج لفترة “سبات تدويني” لأجل بعض الأمور المهمة في الوقت الحالي والشهرين القادمات.

أتمنى لكم التوفيق، وأعتذر عن متابعة المدونة والردود هذة الفترة.

أبارك لكم حلول عيد الفطر المبارك، أسأل الله العلي القدير أن يتقبل ما صمتم وقمتم.

كل عام وأنتم بخير وصحة وسلامة.

أمم الأغلبية المتابعين للمدونة لاحظوا قلة طرحي للمواضيع من فترة مو قصيرة، وبرضوا تأخري بالرد على الإيميلات.

تشرفت بمقابلة أحد الشباب المتابعين للمدونة، الأخ وليد القويفلي البارحة في جمعة رياض قييكس، وقالي إني مقل بتدوينات، مو مثل قبل!.

هو صادق، أتذكر بأحد التدوينات إني قلت: “راح أكتب تدوينة إلى تدوينتين أسبوعياً”، والحين صار يالله تدوينة واحدة شهرياً!.

أعرف إني مقل بالتدوين، ومضايقني هالشيء، لكن مو تقصير مني وعدم اهتمام، لكن تغيرت علي أشياء بالشهور الماضية، وتلخبط جدولي الخاص بعد الدوام، وبالتأكيد لما يتلخبط جدولك نظام حياتك ينقلب فوق تحت.

فيه أشياء وتغييرات كبيرة مخطط أسويها بالمدونة، أخليها تفاعلية أكثر، وأعدل بعض الأخطاء اللي موجودة حالياً، وبعض الصفحات وغيرهم، لكن:(!

أبحاول إني أنظم وقت التدوين والردود على الإيميلات، ما زال عندي الكثير، وأتمنى يشوف النور.

يمكن البعض لاحظ توقف المدونة من الساعة 10:00 الصباح إلى الساعة 05:00 المساء اليوم.

كانت فيه مشكلة فجأه حصلت بالمدونة اليوم الصباح ولا لقيت وقت أحلها فيه، فأظطريت أقفل المدونة من وقت المشكلة إلى قبل شوي، والحمدلله إنحلت المشكلة.

إذا كانت فيه ملاحظات أو لخبطة صايرة بالمدونة بعد هالمشكلة، لاتبخلون علي فيها.

مساء الخير..

فيه بعض المواضيع ما رديت على بعض ردودكم والأسئلة الموجودة فيها، سبب عدم ردي غالباً هو قدم الموضوع، يعني صعبة شويتين أتابع موضوع صار له شهر أو شهرين منشور.

عموماً، إذا كان بعضكم يهمه ردي على أحد المواضيع، يذكر لي السؤال أو الأستفسار اللي يحتاجه هنا في الموضوع هذا، وأبشر بالرد إن شاء الله.

جريس.

تمت اليوم بعض التحديثات على المدونة، وحصل بعض التوقف، أتمنى إذا أحد واجهه مشكلة الحين أو مستقبلاً يبلغني مشكور على الأيميل:

root@jerais.com

لأهلنا في غزة، ربي يصبركم على ما أصابكم ويدمر عدونا، كلنا معكم، وإن شاء الله ربي بيفرجها عليكم.

الله يرحم موتاكم، وإن شاء الله جنات النعيم يارب.

ما أقدر أسوي شيء عن نفسي غير إني أدعي لكم.

أتمنى من الأخوان أصحاب المواقع التفاعل مع الحملة هنا، وهنا.

صباحكم خير قراء ..

أول شيء أهنيكم بعيد الأضحى المبارك ، الله يتقبل منا ومنكم صالح الأعمال ، والله يتقبل من هالحجاج حجهم ..

وثاني شيء حبيت أخبركم إني راح أتوقف عن التدوين لمدة أسبوعين ، بسبب سفري للزلفي لقضاء العيد مع أهلي وقرايبي ..

مساء الخير ،،

راح أكون مسافر من اليوم الإربعاء إلى الجمعة – 29 إلى 31 أكتوبر – ، إن شاء الله راح أقدر أشوف ردودكم وإيميلاتكم السبت ..

نهاية إسبوع سعيدة ..

جريس ..

صباحكم خير ،،

عيدكم مبارك وكل عام وإنتم بخير ، الله يتقبل منا ومنكم صالح الأعمال ..

المعذرة على تأخري بالردود وطرح المواضيع ، لأني الوقت الحالي مسافر عند عائلتي بالزلفي لإجازة العيد ، وإن شاء الله بأقرب فرصة أرجع فيها للرياض وأطرح باقي المواضيع ..