مدونة الرووت جريس

مسائكم سعيد ..

هذا الموضوع الثالث من سلسلة تعلم لينكس ، تقدر ترجع لباقي مواضيع السلسة على الرابط هذا ..

راح أتكلم هنا عن كيفية الكتابة باللغة العربية في لينكس ، بالإضافة إلى كيفية إضافة الخطوط العربية الخاصة بمايكرسوفت ويندوز على لينكس ..

بسم الله ..

الكتابة باللغة العربية في لينكس ..

روح للشريط العلوي هذا ، وإظغط عليه يمين ، ثم إختر Add to Panel ..

أوكي ، راح يطلع لك زي هالصورة :

إختر إنت الخيار اللي اسمه Keyboard Indicator ، ثم إظغط على زر Add اللي تحت ..

الحين زي ما إنت شايف فوق في الشريط العلوي هذا

طلع لنا مؤشر اللغة ، شوفه طالع عندي USA ، عن طريقة ، بنضيف الكتابة باللغة العربية ..

إظغط على مؤشر اللغة ( يعني تظغط على كلمة USA ) يمين ، ثم تختار Keyboard preferences ..

أوكي ، راح تطلع لك هالشاشة :

زي ما إنت شايف بالصورة ، فيه فوق تبويب Tab ، معلم عليه انا باللون الأحمر ، اسمه Layout ، إظغط عليه ، وبيفتح لك هالشاشة :

إظغط على الزر اللي باللون الأحمر ، اللي هو زر Add..

راح يطلع لك كذا

فوق بالصورة ، فيه عندك خيارين ، أو قائمتين منسدلتين Drop Down Menus ، إختار من الأولى اللي أسمها Layouts ،

إختر Arabic ..

والثانية اللي تحتها اللي أسمها Variants ، او شكل الأحرف ، إختر qwerty

..

ثم إظغط على زر Add ..

مبروك عليك ، تمتت إضافة اللغة العربية بنجاح ، الحين إنت الحين رجعت للشاشة الأولى ..

الحين باقي آخر خطوة ، اللي هي أيش الأزرة اللي تظغطهم بالكيبورد عشان يحول للغة العربية أو الإنجليزية ، والعكس ..

حنا راح نسوي زي ويندوز ، أزرة تغيير اللغة هي Shift + Alt ..

في الشاشة الرئيسية ، وبعد ما خلصت من إعدادت إضافة اللغة العربية ، رجعت إنت للشاشة هذي :

إظغط على الزر Layout Options ..

طلعت لك الشاشة هذي :

فيه بالوسط زي ما إنت شايف فوق ، خيار معلم عليه بالخط العريض ، اللي هو Layout Switching ..

إظغط عليه ، وراح يعرض لك تحته خيارات ومربعات كثيييرة ، شيل وألغي كل علامات الصح اللي موجودة قدام أي مربع ..

بعد ما ألغيت كل علامات الصح قدام كل المربعات ، يعني ولا مربع قدامه علامة صح ، فقط حط وعلم على هالخيار اللي من ضمن المربعات بعلامة صح ..

الخيار هو : Alt+Shift change layout ..

أعيد واكرر يا حلوين ، تأكدوا إنكم تلغون جميع الخيارات ، تلغون علامات الصح كلها ، إلا من الخيار Alt+Shift change layout ..

خلصنا ..

مبروك علىك القدرة على الكتابة باللغة العربية في حبيبنا لينكس ..

إظغط زر Close بجميع الشاشات ..

إضافة الخطوط العربية الخاصة بمايكروسوفت ويندوز على لينكس ..

هذي عندك خيارين ، شوف اللي يشتغل معاك ..

الخيار الأول :

روح لمدير البرامج عندك ، عن طريق

Applications >> Add / Remove

بيطلع لك مدير البرامج ..

من القائمة العلوية Show ، إختار All Available Applications ..

وفي خانة Search  ، إكتب

Ubuntu restricted

وبيطلع لك كذا نتيحة ، إنت إختار النتيجة هذي :

Ubuntu restricted extras

علم عليه بعلامة ( صح ) ، ثم إظغط Apply Changes ..

بيأخذ وقت التحميل والتثبيت ، لأنو ما راح يثبت فقط الخطوط ، راح يثتب برضوا أشياء غير مرخص بشكل رسمي للينكس إنو يستخدمها ، زي تشغيل ملفات MP3 وغيرها ..

إذا خلص تحميل وتثبيت ، راح يقولك إنو Finsihed ، إنت وقتها تسوي تسجيل خروج ، ثم تسجيل دخول من جديد ، وبتلاقي الخطوط شغاله معاك ..

الخيار الثاني :

روح لـ

Places >> Home Folder

بيفتح لك المجلد اللي فيه ملفاتك ، أو زي ما نسميه في لينكس مجلد الهوم Home ..

أنشئ مجلد جديد ، كليك يمين ثم Create Folder ..

وأعطي هالمجلد الأسم fonts

حلو ؟

الحين حمل هالملف ، بعد التحميل إظغط عليه يمين ، ثم إختر Extract here ..

راح يطلع لك مجلد إسمه msfonts ..

إدخل هالمجلد ، وإنسخ جميع محتوياته ( يعني جميع ما بداخل هالمجلد )  إلى المجلد اللي إنت أنشئته قبل شوي ، اللي هو fonts ..

بعد ما تخلص نسخ ، إعد تسميه المجلد fonts إلى الاسم .fonts ..

ركز على النقطة ( . ) اللي قبل fonts …

خلاص ، الحين المجلد .fonts إختفى ، لأنو في لينكس إذا حطيت نقطة ( . ) قبل أي مجلد أو ملف ، راح يعتبر مخفي ..

خلاص ، الحين صلح تسجيل خروج ، ثم سوي تسجيل دخول من جديد ، وتصفح النت ، وبتلاقي الخطوط العربية جايه حلوة :-) ..

ملاحظة :

طريقتي الأخيرة راح تأثر على مستخدم واحد فقط ، يعني المستخدمين الباقين ما راح يقدرو يستخدمو هالخطوط لأنها مو مثبته على مستوى النظام ، وش الحل ؟

طبق هالأوامر ، إذا كنت من مستخدمي أوبنتو :

sudo mkdir /usr/share/fonts/ms
wget -vv "http://jerais.com/pub/ddl/appz/nix/msfonts.tbz"
sudo tar xjfv msfonts.tbz -C /usr/share/fonts/ms


اما مستخدمي فيدورا وديبيان والتوزيعات الثانية ، نفذ الأوامر بدون sudo ..

موفقين ..

جريس ..